Chapter Text
jan Ani li kama poka tawa ilo pi pana sitelen ona, li pilin musi, li toki e ni:
“la… ilo Iwo li kama seme? ona li awen ilo anu ona li kama sama ilo Nulo anu seme?”
jan Weto li wile sona e ni la, ona li toki e ni: “mi sona ala.”
la, ona li tawa lipu pi ilo Iwo. luka ilo ona li awen lon ni tawa tenpo lili la, ona li open e ni, li lukin lon insa.
ona li lukin e nasin pi ilo Iwo.
ona li awen lon, li jo ala e namako nasa, anu nasin nasa anu sona ni: jan Nulo li kama sijelo.
jan Nulo li luka e ijo mute lon supa pi jan Weto la, ona li lukin tawa sewi. ona li kama poka, li lukin e ilo sitelen, li toki suli e ni: “ni li nasin pi ilo Iwo a! ona li… awen ilo.”
ona li wile sona, li wile tan e pakala. pilin musi la, ona li luka, li tawa e luka pi jan Weto.
ona la, “sina o open e ona a! mi wile lukin e ona lon ni: ona li kama sona e ni: mi sijelo la, ona li awen ilo”
jan Ani li toki kin: “n… ona li lon a. jan Weto o. mi wile lukin kin e ilo Iwo. ni li pona suli a!”
jan Weto li weka e kon lili, li luka e anpa lawa ona, li toki e ni: “mi ni a. taso, pakala li kama la, o pana ala e tan tawa mi a.”
wile ala la, ona li open e ilo Iwo, li wan e nasin ona tawa ilo ni pi pana sitelen la, ona li ken lukin e jan Nulo.
luka lili la, kalama pi ilo Iwo li kama tan ilo kalama. ona li toki e ni kepeken pilin ike:
“mi open a. suli li seme a, jan Weto o.”
jan Weto la, “a. ilo Iwo o… sina o lukin e jan ni.”
ilo sitelen la, ilo Iwo li kama pilin nasa tan ni: ona li lukin e ilo Nulo lon poka pi jan Weto. ilo Nulo li jan a, li lon a. tempi lili la, kalama taso pi insa tomo li mu musi lili pi jan Ani.
ilo Iwo la, “ni… li seme a? namako ike anu sitelen lape nasa anu seme a? jan Weto o. pini la, sina kama nasa pakala anu seme a?
jan Nulo li kalama luka, li mu musi, li toki e ni: “ala a. mi a, ilo Iwo o! meli sama nanpa wan sina li kama jan a! sina wile kin a anu seme?” ona li kama poka tawa ilo pi pana sitelen, li pilin pi wile utala, li toki e ni: “mi ken moku, li ken pilin e suno, li luka e sinpin pi jan Weto. sina ken ala a.”
ilo Iwo li pilin ike. lukin ona li tawa sike. “a. wawa a. sina kama ijo selo. seme li kama a? sina kama sona tawa noka pakala anu seme?”
jan Nulo li pilin ike. taso, ona li pilin musi kin tan toki utala, li toki e ni: “sina pilin ike taso tan ni: mi nanpa wan lon ijo musi pi kama jan.”
ilo Iwo la, “mi pilin ike a. mi wile ala kama ‘jan’ a. mi wile awen ilo. pilin pi wile moku en pilin pi wile lape en selo ike ni li ala a. o musi lon ni a.”
taso, sama ala toki ona la, pilin pi wile sona li lon sinpin ilo ona sama ni: ona li wile kin.
pini la, jan Ani li open mu musi mute.
ona la, “ni li ijo nanpa wan pi lukin mi. jan Weto o awen e ona tu sama ni. ni li musi sewi a!”
jan Weto li luka e lawa ona, li pilin e utala pi open ona. jan Nulo en ilo Iwo li awen e toki musi ona (pi utala lili) la, jan Ani li toki e ni: sitelen tawa ona o kama lon tenpo ilo suli tu tu. ni li ike e jan Weto. jan Ani li weka la, jan Weto li alasa e nasin pona pi ijo kama.
jan Weto li tawa lon ale pi tomo ona, li pilin ike suli. sitelen tawa pi ilo Nulo li wile kama. taso, ilo Nulo li kama jan. nasin seme la, ona li toki e ijo nasa ni tawa jan lukin pona ale? ona kin li pilin lili taso e ni. toki weka pona pi jan Ani li awen lon kute pi jan Weto, lon pini pi toki ona. ona li taso e jan Weto tawa alasa.
taso, jan Nulo li pilin ala lon pakala suli kama. jan Weto li awen alasa la, jan Nulo li tawa supa, li luka e ilo sitelen. kalama uta ike pi ilo Iwo li kama tan ilo kalama. ni li lon suli ike pi kama jan la, ijo li kama. walo suli li kama lon tomo la, jan Weto li len e lukin ona.
walo li weka la, jan Weto li anpa e luka ona, li pona e lukin ona. ona li lukin e ilo sitelen la, ona li ken ala toki e pilin ona.
jan Nulo li weka tan tomo. sijelo ona li weka ale. taso, ona li lon ilo sitelen sin, sijelo li lukin tawa ona, li pilin sama.
ilo Nulo li pilin nasa, li toki e ni:
“jan Weto o! seme a! mi lon tomo la, mi lon ni sin a!”
jan Weto li sike, li ken ala pilin e ni, li toki e ni:
“ilo Nulo o?! sina ijo e seme a?!”
ilo Iwo li lukin e ale la, ona li open mu musi mute, li toki e ni:
“a, pona a! ona li kama sijelo la, mu, ona li kama ilo sin a. pona.”
jan Weto li tawa supa ona, li weka toki pi ilo Iwo, li open e lipu pi ilo Nulo. ni la, nasin ona ale li kama sin. nasin nasa li awen lon insa pi nasin ona sama ni: musi pi alasa wan li awen tawa kama wan.
ilo Nulo li toki e wile ona pi kama jan sin la, jan Weto li lukin tawa nasin pi ilo Iwo, li sitelen e ijo kepeken lawa ona. ona li pilin musi, li toki e ni:
“a, ilo Iwo o! sina wile ala wile kama jan kin?”
lukin ilo pi ilo Iwo li lili. toki ona la, “ike li lon ala lon.”
jan Wete la, “ike ala li lon. mi la, ilo Nulo li ken la, sina o kama jan kin.”
ilo Iwo li alasa e pilin ona lon ni la, ona li toki e ni: "ni la, mi o pali e wile sina anu seme? pona. jan Weto o ijo e ike ale sina.”
musi la, jan Weto li tawa ilo Iwo e nasin nasa pi ilo Nulo. ona li luka e ilo nimi pi tawa anpa la, tomo li kama walo sin. walo li pini la, jan Weto li ken lukin e sijelo lon supa anpa. ni li sijelo ilo pi ilo Iwo. taso, ona li kama jan.
jan Iwo li open e lukin ona la, ona li lukin e tomo, li mu e ni: “ mi… mi jan…”
luka ona li nasa lon ni: ona li luka e sinpin lawa ona. ona li pilin wawa, li pilin monsuta lili.
la, sama jan Nulo la, pilin ale sin ni li tawa lawa pi jan Iwo:
seli tomo en kon pi telo wawa en pilin pi len supa. ni ale li ike suli la, ona li kama lape lon supa anpa.
jan Weto li weka e kon lili, li tawa e jan Iwo tawa ilo lape ona. sijelo ona li kama sinpin la, ilo Nulo li toki e ni tan ilo sitelen kepeken pilin ike:
“jan Weto o! sina o sijelo sin e mi a! pona ala a! ilo Iwo li lon ni lon tenpo poka taso la, mi kama ilo sin a!”
jan Weto li lukin e ilo sitelen la, ona li lukin e jan Iwo lape. pakala nasa mute taso li awen sama lon lon ona.
ona li mu e ni: “tenpo wan la, ijo pi wan taso a.”